Góðan dag ! 

Af okkur á Reynistofu er allt gott að frétta. Nú eru allir starfsmenn deildarinnar komnir úr sumarfríum og börnin líka. Börnin sem byrjuðu í aðlögun núna í ágúst eru að ná áttum og komast inn í skipulag deildarinnar. Börnin sem byrjuðu í vor eru kát og örugg. 

Dagskipulagið okkar er byrjað að rúlla vel og börnin fara glöð á kubbasvæði, í listaskála o.s.frv. Íþróttir byrja í næstu viku og erum við á föstudögum í íþóttum. Anna Kristín leikfimikennari verður inná deild næsta föstudag til að kynnast börnunum. 

Á föstudögum kl. 9-10 eigum við starfsfólk Reynistofu deildarfund og koma þá starfsmenn frá Víðistofu og Birkistofa að leysa okkur af. 

Í lok viku sendi ég ykkur eyðublöð sem þið fyllið í fyrir haustviðtöl sem verða í byrjun sept. (10-12 sept.) Þá sendi ég ykkur líka tímasetningar fyrir viðtölin ykkar sem skiptast svona: 

Soffía: Díana, Ari, Matthilda, Matthildur, Óðinn, Steinar, Sölvi og Tryggvi.  - Kisuhópur

Drífa: Baldur, Hrefna, Embla, Hugrún, Daníel, Józef og Nína. - Kanínuhópur

Auður: Haukur, Una, Eyja, Álfheiður, Kristófer, Vigdís og Agnes. - Ljónahópur

Starfsfólk deildarinnar er virkilega ánægt með barnahópinn og mikill metnaður í að eiga góðan vetur saman og læra mikið. 

Kær kveðja Soffía Deildarstjóri 

Góðan dag!

Yngri börnin hafa fylgt sínu vikuskipulagi að mestu þessa vikuna. Þau fóru í íþróttir og listaskála í vikunni og samverustund í gær með Drífu þar sem þau spiluðu spil. Í dag var svo útikennsla þar sem börnin fóru í úti-lottó. Hvert barn fékk fjórar myndir af hlutum í umhverfinu eins og bílum, hundum, trjám, laufblöðum og slíku. Í hvert sinn sem þau sáu eitthvað af sínum myndum áttu þau að hrópa ,,stopp" og segja hvað þau hefðu séð :)

Í vikunni lögðum við inn stafinn P og unnum nokkrar blaðsíður af útskriftabókum barnanna, meðal annars límdu þau inn hópmynd, máluðu myndir tengdar Þúsaldarljóðinu og teiknuðu útlínur handa sinna. Heimsókn á leikrit í Hlíðaskóla stóð upp úr í þessari viku en krakkarnir voru í skýjunum með sýninguna um Rauðhettu og úlfinn. Í næstu viku stendur til að fara aftur í Hlíðaskóla en þá erum við boðin í heimsókn í Eldflaugina, frístundaheimili skólans :)

Góða helgi!

Góðan dag!

Þessa dagana erum við að vinna í að fylla á sólina okkar en næsta brosveisla verður "Öðruvísi dagur" og þá geta allir komið í öðruvísi/öfugsnúnum fötum og gert allt öðruvísi eða öfugsnúið þann daginn :) Nokkrir eru að æfa sig að segja bless á morgnanna og aðrir æfa sig í að vera glaðir þegar mamma og pabbi koma að sækja. Einnig erum við að æfa almennu SMT reglurnar og þegar vel gengur fá krakkarnir bros :)

Yngri börnin fóru í stórskemmtilega strætóferð í morgun og voru himinlifandi þegar þau komu til baka! Þau lituðu hjá Lilju Karls í Listaskála og Drífa var með þeim í íþróttum.

Eldri börnin unnu fjórar blaðsíður í Útskriftarbókinni (blaðsíðurnar eru 32 talsins!) í vikunni ásamt því að gera eldfjöll úr þæfðri ull. Í dag fórum við í stærðfræði. Við unnum með tölur og talnagildi, æfðum hvernig tölurnar eru skrifaðar og reiknuðum ásamt því að fara í stærðfræði-boltaleik. Á miðvikudag í næstu viku er heimsókn í Hlíðaskóla. Þar sjáum við leikrit hjá 1.bekk. Það verður spennandi!

Góða helgi!