Foreldrar geta sótt Völu appið í GSM síma. Fyrir forráðamenn barna í leikskólum þá er Völu appið upplýsingaapp. Þarna geta forráðamenn séð tilkynningar og fréttir frá leikskólanum, sent og tekið á móti skilaboðum, séð matseðla og atburðadagatal leikskólans.
Á appinu er einnig hægt að finna upplýsingar um það hvernig börnin þeirra sváfu og borðuðu hvern dag. Venjan hefur verið að setja þetta upp á blað sem hangir í gluggum eða í forstofu deildanna. Góð viðbót er einnig að geta séð þetta í appinu og eru foreldrar hvattir til þess að kynna sér þennan valmöguleika. Í framtíðinni munu þessi blöð hverfa af vettvangi leikskólans.
Þá er einnig eiginleiki þar sem hægt er að skrá veikindi barna þann dag eða til að tilkynna um jóla- og vetrarfrí. Og annað hvaðeina sem hjálpar stjórnendum við skipulagningu leikskólans.
Það er aðeins foreldri með sama lögheimili (fjölskyldunúmer) sem fær sjálfkrafa aðgang að appinu. Það foreldri getur þó gefið hinu foreldrinu aðgang. Það er gert í stillingum í appinu: „bæta við ættingja“. Leiðbeiningar eru að finna undir Aðstoð í Völuappinu.
Hérna er hægt að fá nánari upplýsingar um virkni smáforritsins ásamt vefslóðum til þess að hlaða niður appið.
https://apps.apple.com/us/app/vala-leiksk%C3%B3li/id1389133859
https://play.google.com/store/apps/details?id=com.valaapp&hl=en&gl=US