Útskrift elstu barna Sólborgar vorið 2022 var á fimmtudaginn 16. júní sl. Við útskrifuðum núna árgang barna fædd árið 2016, sem hafa verið á Reynistofu þetta skólaárið. Þetta var 28. útskrift leikskólans frá opnun 1994.
Á Reynistofu þennan skólavetur hefur farið fram mikið táknmál. Sólborg mun áfram hafa þá sérstöðu að bjóða upp á leikskólanámsumhverfi fyrir íslenska táknmálið og þegar við sjáum árangurinn koma jafn skýrt fram eins og kom hjá þessum barnahóp, þá styrkir það okkur enn frekar í að halda í þessa sérstöðu og gera enn betur en hefur verið gert.
Samheldnin, vinskapurinn, þrautseigjan og viðhorf eru til fyrirmyndar hjá þeim og birtast svo skýrt þegar þau nýta sér leikinn sem námsleið.
Starfsfólk Sólborgar vonar að þegar þessi frábæru börn hugsa til baka til áranna hér í Sólborg, komi fram þær ánægjulegu minningar sem starfsfólk hefur um ykkar veru þeirra í Sólborg.
