Safn frétta frá öllum deildum

29 Jan 2020

Hafdís lætur af störfum í Sólborg

Þann 2. janúar sl. kvaddi Hafdís Svansdóttir börn og starfsfólk í Sólborg. Hún hefur starfað í leikskólanum Sólborg frá árinu 1996.

Hafdís er leikskólakennari og hefur starfað sem deildarstjóri í Sólborg. Hún hefur verið virkur mótandi í þeirri heiltæku skólastefnu sem Sólborg starfar eftir og á síðustu árum átt þátt í að fræða kollega okkar í hinum ýmsu löndum um þá stefnu. Í gegnum þátttöku skólans í Erasmus verkefni, fræddi hún um kennslu barna með einhverfu í almenna skólakerfinu.

Hafdísar verður sárt saknað, bæði af börnum og samstarfsfólki.

Hafdís er þó ekki horfin af leikskólasviðinu, því hún hefur tekið að sér stöðu aðstoðarleikskólastjóra í Sæborg. Við óskum henni velfarnaðar þar og hún er alltaf velkomin aftur til okkar í Sólborg.

Kveðjur frá okkur öllum í Sólborg 😊

 HS.jpgHafdís_sumar_2011.jpgHafdís_2016.JPGHafdís_opið_hús_2005.jpgHafdís_haust_2008.jpg

18 Des2019

Jólaball og jólakveðjur

Á sama tíma og við óskum öllum sem koma að Sólborg gleðilegrar aðventu, langar okkur að lýsa í máli og myndum hvernig jólaballið heppnaðist.

Stillt var upp í alvöru jólagigg með öllum þekktustu jólalögunum og dönsuðu börn og kennarar í kringum jólatréð. 

Við fengum óvæntan gest þegar enginn annar en Giljagaur mætti með gráa hausinn sinn. Hann dansaði með okkur og tók hressilega undir í laginu Ég sá mömmu kyssa jólasvein. Hann kom einnig færandi hendi og gaf öllum börnunum tannbursta, enda einstaklega prúð börn í Sólborg.

Að loknu jólaballi fóru börnin aftur á sínar stofur. Þau yngstu voru inni á meðan þau elstu léku sér úti við, en innan skamms var komið að jólamat þeirra Vanessu og Vilju og snæddum við saman í salnum góðan hátíðarmat. 

 

Leikskólinn Sólborg óskar foreldrum, kennurum og börnum gleðilegra jóla og þakkar fyrir árið sem nú er að líða. Við hlökkum til að verja með ykkur fleiri gæðastundum á árinu 2020.  

29 Nóv2019

Kristina lætur af störfum í Sólborg

Kristina Musiichenko vinnur sinn síðasta dag í Sólborg í dag. Hún hefur starfað í Sólborg meira og minna frá árinu 2016 og hún hefur lært mjög mikið í íslensku og íslensku táknmáli. Kristina ætlar að hefja störf í öðrum leikskóla meðfram námi sínu í háskóla. 

Við í Sólborg kveðjum Kristinu með söknuði og óskum henni velfarnaðar á nýjum stað.

Áætlanir