Sæl öll!

Enn erum við að læra um haustið hér á Víðistofu, en sú starfsáætlun er nú að renna sitt skeið á enda. 

Leikhúsferðin í síðustu viku var mjög áhugaverð og börn og fullorðnir skemmtu sér hið besta!  Við sáum leiklestur á sögunni um Búkollu, fengum að sjá og upplifa hvernig ljós og hljóð eru notuð á leiksviði og máttum ganga um sviðið þegar leikritið var búið.  Börnin sátu stillt allan tímann og fylgdust vel með.

Sl. föstudag héldum við Evrópska tungumáladaginn hátíðlegan með sögulestri og leikjum á ýmsum tungumálum, við æfðum okkur líka að segja góðan dag á mörgum málum:)

Á þriðjudaginn var var dagur heyrnarlausra, þann dag komu fyrstubekkingar úr Hlíðaskóla í heimsókn.  Þeir og Sólborgarbörnin settust saman í salinn og horfðu á söguna "Ég vil fisk!" á táknmáli.  Einnig sungu elstu börn Sólborgar og sumir Hlíðaskólanemar "Þúsaldarljóðið" saman.

Við auglýsum enn eftir sokkum, því börnin eru að byrja í brúðugerð með Louise í Listaskálanum.

Nýjar Víðistofumyndir voru settar inn á heimasíðuna í dag:)   Góða helgi!

Halló!

Þá er enn ein vikan að renna sitt skeið á enda.  Við viljum þakka fyrir góða mætingu á  kynningarfundinn, svo og skemmtileg foreldraviðtöl í þessari viku (örfá eru þó eftir).

Starfið okkar hefur gengið vel, börnin voru t.d. dugleg í „blautri“ útikennslu á miðvikudaginn og máluðu fínar trjáamyndir í Listaskálanum í dag.

Á fimmtudag í næstu viku ætlum við að fara í Kúluna, barnaleikhús Þjóðleikhússins að Lindargötu 7.  Börnin fá að fræðast um leikhúsið og taka þátt í sögustund þar sem ævintýrið um Búkollu er flutt af leikkonunni Lilju Guðrúnu Þorvaldsdóttur.

Við munum taka strætó kl. 9.45 og koma til baka fyrir hádegismat.

Fyrirhugað er aukið samstarf milli leikskólanna og hinna ýmsu stofnana á höfuðborgarsvæðinu, t.d. leikhúsa og safna, og er þessi heimsókn liður í því.

Góða helgi og sjáumst hress í næstu viku!  Kveðjur frá Víði-kennurum.