Hagnýtar upplýsingar

Velkomin í leikskólann

Velkomin í leikskólann

Á heimasíðunni er að finna ýmsar upplýsingar um leikskólann svo sem námskrá, ársáætlun, kynningu á starfsfólki og fleira. Undir hlekknum spurt og svarað er að finna hagnýtar upplýsingar, matseðill er birtur eina viku í senn. Hver stofa hefur sitt frétta- og myndasvæði. Almennar fréttir eru birtar undir Forsíða.
Netfang okkar er This e-mail address is being protected from spambots. You need JavaScript enabled to view it.

 

 

Read more

Opnunartími leikskólans

Opnunartími leikskólans

Viðvera barna og starfsmanna í Sólborg er frá kl. 7:45 til 16:30.  Við opnum á tveimur stofum kl. 7:45 þar eru börnin til kl. 8:00 en þá mæta fleiri kennarar og taka börnin með sér á sínar stofur. Seinni partinn erum við á útisvæðinu þar til skólinn lokar. Haldinn er nákvæmur viðverulisti um það hvenær börnin koma og hvenær þau fara. Þetta er mikið öryggisatriði því við viljum og eigum að vita hvaða börn eru i skólanum hverju sinni, og hvort þau hafa verið sótt. Foreldrar eru hvattir til þess að ná sambandi við starfsmenn þeirrar stofu sem barn þess er á og tilkynna um að það hafi verið sótt, en ef það næst ekki að tryggja að starfsmaður Sólborgar sjái það. 

Read more

Leikskólataskan , hvað eiga börnin að hafa með sér í skólann?

Leikskólataskan , hvað eiga börnin að hafa með sér í skólann?

Nauðsynlegt er að börnin hafi föt til skiptanna (buxur, bol, sokka, nærbuxur, sokkabuxur) í boxinu við  hólfum sínum. Auk þess þurfa börnin að hafa pollagalla, stígvél, hlýja ullarpeysu, vettlinga og annan útiverufatnað. Mikilvægt er að foreldrar merki föt barna sinna. Dýrmætur tími getur farið í að velta fyrir sér hver á hvaða flík. Munið því að merkja öll föt vel!  Foreldrar eru beðnir að tæma hólf barna sinna á föstudögum. Í leikskólanum er unnið með ýmis leikefni svo sem málningu og lím og þarf val foreldra á fatnaði barnanna að taka mið af því. Börnin nota svuntur, t.d. við að mála, en oft duga þær ekki alveg. Foreldrum er bent á að þekjulitir eiga að nást úr fötum séu þau þvegin úr köldu vatni.

Read more

Lyfjagjöf á leikskólatíma

Lyfjagjöf á leikskólatíma

Í samráði við trúnaðarlækni hafa verið lagðar ákveðnar línur varðandi lyfjagjöf í leikskóla. Starfsfólk mun gefa lyf þegar um er að ræða t.d. flogaveikilyf eða asmalyf. Lyfin eru geymd í leikskólanum í læstum lyfjaskáp og gilda ákveðnar reglur um merkingar og magn lyfja sem geymd eru í leikskólanum hverju sinni.

Fúkkalyf sem börn taka í stuttan tíma á ekki að þurfa að gefa í leikskólanum. Að sögn trúnaðarlæknis er nóg að gefa slík lyf með hálfu mjólkurglasi að morgni og þegar komið er heim úr leikskóla og fyrir svefn.
 

Read more

Veikindi

Veikindi

Ef barn kemur ekki í leikskólann vegna veikinda eða af öðrum ástæðum vinsamlegast látið okkur vita.

Veikist barn með hita, skal það dvelja heima þar til það hefur verið hitalaust a.m.k. 1-2 sólarhringa.  Fái barnið smitandi sjúkdóm, verður það að dvelja heima þar til smithætta er liðin hjá.  Þetta er nauðsynleg ráðstöfun til að forðast útbreiðslu sjúkdóma í leikskólanum og sjálfsögð tillitsemi gagnvart öðrum börnum og starfsmönnum.  Í leikskóla er alltaf meiri hætta á smiti og útbreiðslu algengra umgangssjúkdóma.

Útivist er mikilvægur þáttur leikskólastarfsins og börnin fara út á hverjum degi.  Foreldrar hafa oft tilhneigingu til að óska eftir inniveru fyrir börn sín í því skyni að verja þau gegn sýkingum og öðrum veikindum.  Það er ekkert sem bendir til þess að börn sýkist fremur í útilofti en innandyra, eiginlega er því þveröfugt farið, smithættan er meiri inni.

Það er gert ráð fyrir að börnin taki þátt í öllu starfi leikskólans úti sem inni.  Þess vegna getum við ekki tekið á móti veiku barni.  Útiveru er ekki sleppt nema í algjörum undantekningar tilvikum og því er ekki hægt að hafa börnin inni til að fyrirbyggja veikindi.

Þegar barn kemur aftur í leikskólann eftir veikindi á það að vera tilbúið að taka þátt í öllu skólastarfi úti sem inni.  Hægt er að koma til móts við óskir um inniveru eingöngu með því að barn fari síðast út og fyrst inn.

Til að gæta jafnræðis þá fara starfsmenn eftir þessum reglum, vinsamlegast biðjið þá ekki um annað.

Veikist barnið í leikskólanum höfum við tafarlaust samband við foreldra sem þurfa að sækja barnið strax og við bregðumst við hverju tilfelli eftir bestu vitund.

Ef barn er fjarverandi vegna veikinda í mánuð eða lengur, er veittur afsláttur af leikskólagjaldi.  Foreldrum er bent á að ef um svo miklar fjarvistir er að ræða vegna veikinda þarf að skila inn læknisvottorði leikskólastjóra. 

Hér er hægt að nálgast viðmiðunarlista yfir helstu smitsjúkdóma barna, smithættu og hvenær barnið má mæta aftur í leikskóla.

Read more