Á heimasíðunni er að finna ýmsar upplýsingar um leikskólann svo sem námskrá, ársáætlun, kynningu á starfsfólki og fleira. Undir hlekknum spurt og svarað er að finna hagnýtar upplýsingar, matseðill er birtur eina viku í senn. Hver stofa hefur sitt frétta- og myndasvæði. Almennar fréttir eru birtar undir Forsíða.
Netfang okkar er This e-mail address is being protected from spambots. You need JavaScript enabled to view it.
Hefðir í Sólborg
Afmæli – þegar börnin eiga afmæli fá þau í matartíma sérstakan afmælisdisk, glas og borðið er skreytt í tilefni dagsins.
Jólin – í Sólborg leggjum við áherslu á að hafa notalegt umhverfi hjá okkur í jólamánuðinum og foreldrafélagið er með föndurstund foreldra og barna. Í desembermánuði erum við með jólavinastundir, það er jólaleikrit í, og síðan erum við með jólaball þar sem jólasveinar hafa ofast komið ofan af fjöllum og kíkt í heimsókn til okkar. Þann dag snæðum við hátíðarjólamat.
Öskudagur – í leikskólanum búa börn og starfsfólk til sína eigin búninga. Við biðjum foreldra að koma með bol í leikskólann sem börnin síðan útfæra eftir sínu höfði. Mála, klippa, sauma, búa til fylgihluti og jafnvel hvernig þau vilja vera máluð.
Sumarhátíð – Í júní er haldin árleg sumarhátíð leikskólans, þar sem foreldrum er boðið að koma á góðviðrisdegi og leika með börnunum í garðinum. Ásamt því er staðið fyrir skemmtun og kaffiveitingum.
